Շատ-շատ դարեր և նույնիսկ հազարամյակներ առաջ, երկրի վրա ապրում էին մարդիկ:Մի օր նրանք տեսան տարօրինակ մի բույս մեծ տերևներով:
-Ի՞նչ կաճի նրանից,-մտածեցին նրանք:Անցավ որոշ ժամանակ և բույսի վրա հայտնվեց խոշոր կոկոն:Մարդիկ նայում էին և ասում.
-Ինչ գեղեցիկ է նա:
Ծաղիկը բացվեց և նրա հետևից էլ հայտնվեց փոքր պտուղը:
-Աայ՜ քեզ հրաշք,-ասում էին մարդիկ:
Իսկ այդ բույսը պարզվեց հասարակ չէ, այն կարողանում էր լսել:Եվ նրան շատ էր դուր գալիս, երբ իրեն գովում էին:
-Ահա, ես դեռ ավելի շատ կմեծանամ, տեսնեմ այդ ժամանակ ի՞նչ եք ասելու,-մտածում էր նա:
Նա, իսկապես, ավելի ու ավելի էր մեծանում,նրա պտուղը գիրանում էր օր օրի:Մարդիկ չէին դադարում գովել հրաշք բույսին: Դդումն ավելի շատ էր ուրախանում:
-Ի՜նչ գեղեցիկ եմ ես:
Հպարտությունից նա ուղղակի փքվում էր, նրա պտուղը դարձավ հսկայական, նրա գույնն էլ փոխվեց: Արևը վերևից հետևում էր բույսին և որոշեց օգնել նրան ավելի շատ դուր գալ մարդկանց:Արևը ներկեց իր շողերով պտուղը և այն դարձավ վառ նարնջագույն:Եվ այդ ժամանակ մարդիկ որոշեցին փորձել պտուղը:
-Տեսնես այն նույնչափ համեղ է որքան գեղեցիկ է:
Հասած դդումը մարդիկ բերեցին տուն:Նրա ներսում նարնջագույն պտղամիս էր և սերմեր:Պտղամսից տան տիրուհիները պատրաստեցին տարբեր ճաշատեսակներ, իսկ սերմերը պահեցին:Այդ հրաշք բույսը անվանեցին դդում:Այդ օրվանից մարդիկ ամեն տարի ցանում էին դդմի սերմերը հողի մեջ և մոռանում ջրել այն:Եվ գովում էին.
-Ինչ գեղեցիկ ու մեծ ես,Դդում:Ինչպես ենք մենք քեզ սիրում :
Դդումը հասկացավ որ նա շատ կարևոր է և սկսեց հպարտանալ իրենով:Այդ պատճառով հիմա էլ փորձում է ամեն կերպ ավելի մեծանալ ու գեղեցկանալ, իսկ Արևը նրան օգնում է: